الحب الضائع , الي 6اجزاء القصه

[center]السلام عليكم ,[color=olive] هذه اول كتاباتي فحبيت اذكر لكم قصةحب من واقع الحياه واتمن انها تنال اعجابكم وابي ارائكم بكل صراحه ...
الحب الضائع.
الجزء الاول ...

( فتاة مراهقة تبلغ من العمر 13عاما اي في مرحله الاعدادية واسمها (ايمان) وهي فتاة هادئه وجميله ورزينه ولم تتوقع انها في يوم من الايام ستقع في قفص الحب , وهي تعيش حياة سعيدة وجميله برفقة والديها واخوانها واخواتها وهي ايضا علاقتها قويه جدا بأسرتها وخصوصا مع اخويها الكبار ( محمود واحمد )وذات يوم لم تستطيع ايمان ان تذهب الي المدرسه لانها كانت مريضه فقررت ان تتصل بصديقتها وتسألها عن الواجبات .

ثم ايمان رفعت سماعة الهاتف واتصلت بصديقتها ومن هنا تبدا قصه ايمان ...

ايمان : سلام ,’ ( والذي رد علي الهاتف كان شابا وليس فتاة )

الشاب : وعليكم السلام , نعم من ؟
ايمان: ممكن اكلم مريم .
الشاب : ههههههههههه ( يضحك ), لحظه اناديها .
ايمان : اوكي .
الشاب: رجع وكلمها علي اساس انه بنت هلا بيج.
ايمان : ( عرفت ان الصوت صوت شاب وليس البنت وقالت اليه انا اقول الك ابي مريم مو انت .
الشاب: قولي الصراحه انك تبين احد من الشباب وانا اناديه اليج برسم الخدمه.
ايمان : ( انفعلت ) وقالت قليل ادب وماتستحي.
الشاب: اوكي لاتعصبين , بس انا حاب اتعرف عليج .
ايمان: ( رفضت ) وقالت اليه خلاص انا اتصلت برقم الغلط .
( وسكرت التلفون في ويه ويلست مكانها وبعد خمس دقائق اتصل اليه اليها الشاب وردت ايمان علي التلفون .
ايمان: الو.
الشاب: هلا .
ايمان: من ؟
الشاب: انا الي قلت اليج من شوي ابي اتعرف عليج .
ايمان: انت ماتستحي , قلت ماابي ولاتتصل مره ثانيه (صدق يعني شباب اخر زمن)
الشاب: اوكي , انتي كل معصبه وبس ماتعرفين تتكلمين بهدوء.
ايمان: كيفي هذاشي راجع الي ( وسكرت الخط في ويه وفصلت الفيشه من التلفون) وقالت في نفسها صج يعني اهبل .
وبعد ماقضيت يومها مع اهلها بين سوالف وضحك , وفي اليوم الثاني راحت الي المدرسة وسلمت علي البنات وراحت الي مريم .
ايمان : هلا شخبارج .
مريم : الحمد الله , وانتي شنو اخبارج بعد .
ايمان الحمد الله , وانتي شلون تعطيني رقم بيتكم غلط .
مريم : لا انا عطيتجت الرقم صح .
ايمان : انا بقول اليج الرقم وانتي قول اليه صح ام خطأ .
مريم : اوكي .
ايمان : انا قلت اليش الرقم .
مريم : سوري حبيبتي انا غلط في رقمين , عادي ليش انتي معصبه .
ايمان : انا مومعصبه , بس قهرني الشاب الي تكلم معاي .
مريم : عادي ولاتزعلين روحج بتكبرين وبتنسين .
وقضيت ايمان يومها في المدرسه بين الحصص والاصدقاء وزملائها في الكلام والضحك حتي انتهي يومها في المدرسه وذهبت الي البيت وجلسة مع اسرتها وتناولت طعامها وشربت الشاي وبعدها ذهبت لتكتب واجباتها وتدرس حتي رن هاتف المنزل وردت ايمان علي هاتف .
ايمان: الو ( وكان المتصل هوذالك الشاب .
الشاب: مساء الخير.
ايمان: مساء النور,نعم من؟
الشاب: اول شي خبريني عنج شنو اخبارج.
ايمان: خير انشاء الله من معاي .
الشاب: افا ماعرفتين صوتي , انا الي كلمتج امس ولو انج زوتينها شوي لم سكرتين الخط مرتين في ويهي .
ايمان: صبرك ياربي ,شنو هل البلوه شنو انت ماتفهم ياولد الناس خلني في حال سبيلي.
الشاب: بعرفج بنفسي انا اسمي صلاح وعمري 23.
ايمان: وجعه انشاء الله .
الشاب: الله يسامحج , بعطيج رقمي وكلميني اذا حبيتين اتكلميني كلميني واذا ماحبيتين اتكلميني علي راحتج.
ايمان: ماابي اكلم احد .
الشاب: يلا بعطيج الرقم سجليه .
ايمان: ( تبي تتخلص منه ) اوكي .
الشاب : قال الرقم .
ايمان:اوكي .
الشاب: قولي الرقم عشان اتأكد صح اما خطأ .
ايمان: سكتت ماعرفت شنو اتقول وصار اليها مده ساكته .
الشاب:انا اعرف انج ماسجلتي الرقم عشان جذي قلت اليج قولي الرقم .
ايمان: اوكي لحظه بجيب قلم .
الشاب: اوكي .
ايمان: اوكي سجلته يلا باي.
الشاب: لحظه شوي, متي بتتصلين؟
ايمان: ماادري .
الشاب : علي فكره اذا ماتصلتي انا بتصل باي.
ايمان: باي.
(يلست ايمان تفكر في الي صار معاها وتقول في نفسها شنو يبي منها هذا الشاب شلون اخذت منه الرقم ماتدري, وفي هذه الحظه وصل اخوها احمد وسلم بس ايمان كانت سرحانه في عالم ثاني وتفكر في الي صار معاها .
احمد : ياناس ياعالم ياهوا ردوا عاد عبرونا اشوي .
ايمان: هلا احمد .
احمد : وين فيه سرحانه تفكرين في شنو .
ايمان: لا ولاشي عادي , بس تعبانه اشوي.
احمد : سلامتج.
ايمان: الله يسلمك.
ويلسوا يسولفون مع بعض وكل واحد يقول الي الثاني شلون قضى يومه , وايمان كانت متحيره تقول اليه السالفه ولا لا[/[/color]center]
[img][/img]
[center]الجزء الثاني....

ايمان ما قدرت تقول لمحمود او احمد الي صار معاها للانها كانت مترددة وخافت ان الشاب يقول لهم انها اخذت الرقم منه وسكرت على الموضوع وقالت هو راح يمل وينسى الموضوع و ما كانت تدري انها سوف تقع في قفص الحب ومن جهة ثانية كان صلاح ينتظر ايمان تتصل فيه وصار له يومين ينتظر منها مكالمة بس ماكو فايدة وفي البداية كان احساسه مجرد تسلية او مضيعة وقت في التلفون مو اكثر هذا ي البداية بس بعدين هذا الاحساس راح يتحول الى حب , وقال ما في حل غير اني اتصل فيها واتصل واول ثلاث مرات كل ما يتصل ما ترد عليه ايمان والمره الرابعه ردت عليه اخت ايمان الصغيرة (زينب) عمرها ست سنوات

زينب:الو
صلاح:وين اختج
زينب:اي خت
صلاح:خلاص خلاص روحي العبي
وسكر التلفون وبعد شوي اتصل وردت عليه ايمان
ايمان:الو
صلاح:مرحبا
ايمان:وبعدين معاك انت ما تفهم يا اخي لا تتصل شنو انت تراك مللتني
صلاح:شوي شوي يا بنت الناس ما يصارخون ويتكلمون بهدوء والبنت دائما تكون هادئة وناعمه ورقيقه في كلامهامو بهذه الطريقة
ايمان:اوكي شنو تبي
صلاح:اسال عنج , انتي وعدتيني انج تتصلين فيني ويلست انطرج يومين بس ما تصلتي فقلت ما كو حل غير اني اتصل واسال عنج
ايمان:الحمدلله ,ارتحت ألحين ممكن ما تتصل مره ثانية لأنك مللتني
صلاح:لا ما اقدر ما اسمع صوتج
ايمان:انت قليل ادب ومو مربى
صلاح: لا تغلطين , آنا ما قلت لج شي غلط وانتي يعني ما تعرفين تتكلمين الا وانتي تصارخين
ايمان:كيفي وما يخصك فيني وبعدين آنا ما اعرفك وشلون تبيني اتكلم معاك
صلاح:انتي كلميني اسبوع واحد واذا ما ارتحتي لي اوعدج اني ما راح اتتصل فيج بالمره
ايمان:..........
صلاح: ليش ساكته ,آنا اعرف انج تبين تكلميني ومتأكد
ايمان:بايخ وسخيف وما ابي اكلمك ولا تتصل
صلاح:خلاص خلاص لا تزعلين بس كنت امزح معاج وخلج ناعمه وانتي تتكلمين ولا تصارخين
ايمان :كيفي
صلاح:اسالج سؤال
ايمان:اوكي أسال
صلاح: انتي تحبين
ايمان:هي انت ما تستحي ما يتكلمون جذي
صلاح:آنا ما قلت شي بس مجرد سؤال وجاوبيني عليه بصراحة
ايمان:اكيد لا
صلاح:شنو قلتي اي والا لا
ايمان:..........زز
صلاح:شنو ليش ساكته ردي علي بسرعة ولا تسكتين وايد
ايمان:اوكي
صلاح:صج والله ,صج والله آنا مو مصدق يعني خلاص بتكلميني
ايمان:اي صج شنو فيك انت موب صاحي
صلاح:بس من الفرحه مو عارف شنو اقول
ايمان:اوكي آنا ألحين ما اقدر اطول معاك لأن اخاف يجي احد ويسمعني وبعدين تصير لي مشكلة
صلاح:اوكي ,آسف اذا ازعجتج بس والله اني ارتحت لج وايد خصوصا في طريقة كلامج معاي وديري بالج على نفسج وباي
ايمان:باي

(وصارت الدنيا تلف ودور في ايمان وهي تقول شنو سويت اشلون اكلم واحد ما اعرفه ولا يعرفني وشنو يبي مني وآنا ليش قلت ليه اوكي راح اكلمك وبعدين رجعت مره ثانية لدروسها,وبعد صلاة المغرب رجعت تفكر مرة ثانية بالموضوع وقررت انها تقول لأخوها محمود بالي صار معاها وراحت اليه غرفته وطقت الباب
محمود:من؟
ايمان:آنا ايمان ,ادخل
محمود:اكيد ومن غير ما تستأذنين
ايمان:قول لي شخبارك اليوم
محمود:تمام و اموري عادية وما في شي جديد وانتي
ايمان:اوكي بس ابي اكلمك في موضوع
محمود:قولي اسمعج
(فجأة غيرت الموضوع الى موضوع ثاني)
ايمان:كنت ابيك اطلعني لأني متمللة وايد
محمود:اوكي من عيوني بس مو اليوم لأن اليوم مواعد الشباب اني اطلع معاهم
ايمان:اوكي,(الحمدلله ان محمود ما حس فيني والا كان راح يصر على الموضوع وبعدين اكيد راح اقول له السالفه ,بس الله ستر)

وفي اليوم الثاني اتصل صلاح في ايمان
صلاح:مرحبا
ايمان:هلا
صلاح: شخبارج
ايمان:الحمدلله بخير
صلاح:حشى ما في حتى شخبارك
ايمان:...............
صلاح:اوكي بمشيه لج لأن هذه اول مره تكلميني بهدوء
ايمان:هيييييييييييييي
صلاح:تعالي ألحين آنا اكلمج بس ما اعرف اسمج
ايمان:ما يخصك وما ابي اقول
صلاح:عيل اشلون اناديج ,ما يصير لازم تقولين لي اسمج
ايمان:لالالالالا
صلاح:يلا عاد وخلج من دلع البنات
ايمان:آنا مو دليعة
صلاح:لا والله انتي دليعة وايد مو شوي يلا عاد لا تتغلين علي وقولي اسمج
ايمان:جيهان(جذبت عليه لأنها ما تعرفه عدل)
صلاح:عاشت الاسامي
ايمان:مشكور
صلاح:انتي في اي مدرسة واي منطقة
ايمان:مرسة مدينة عيسى وفي منطقة الزنج(كذبت عليه في المدرسة والمنطقة)
صلاح:كم عمرج
ايمان:13

(ومرت الايام وتحولت المكالمة من مدة اسبوع الى ست سنوات ويوم عن يوم ايمان تتعلق اكثر واكثر في صلاح وهو بعد نفس الشي ,وصلاح من البداية كان صريح مع ايمان في كل شي يعني ما جذب عليها ولا في شي ,بس ايمان جذبت عليه في اشياء بسيطة وفي يوم كانت ايمان يالسة وتفكر وتقول هو شكله صريح معاي ليش ما اكون صريحة معاهو و قررت انها تتصل في صلاح
ايمان:الو
صلاح:هلا جيهان ,شلونج
ايمان:الحمدلله,وانت شخبارك
صلاح:بخير دام انج بخير
ايمان:صلاح
صلاح:آمري ,شنو,على فكرة ترى اسمي يطلع منج وايد حلو وتوني اعرف انه حلو وايد
ايمان:.......
(استحت وما قالت شي)
صلاح:اوكي شنو تبين تقولين
ايمان:ابي اصارحك بشي بس لا تزعل مني
صلاح:شنو آنا مستحيل ازعل منج ,قولي
ايمان:آنا جذبت عليك في شي
صلاح:في شنو
ايمان:آنا اسمي ايمان مو جيهان وآنا في مدرسة المنامة وآنا في منطقة المنامة
صلاح:ادري بس كنت ابيج انتي تقولين لي بنفسج و آنا عاذرج لآنج ما كنتي تعرفيني عدل
ايمان:يعني انت مو زعلان
صلاح:لا لأنج قلتي لي الصراحة فليش ازعل
(طبعا الي ما تدرون عنه ان ايمان صار لها تكلم صلاح لمدة ثلاثة اشهر من غير ما يشوفون بعض والشي الي خله صلاح يتعلق في ايمان اكثر اسلوبها في الكلام وبسبب خجلها واخلاقها العالية والكريمة.اما ايمان صارت تسال نفسها وايد ,آنا قلت بكلمه اسبوع وبعدين بقول له خلاص آنا ما ارتحت لك بس ما ادري ليش كنت كل ما ابي اقول له جذي اغير رأي بسرعة وفي هذه الفترة ايمان كانت تسرح وتفكر في صلاح وايدمن غير ما تدري انها حبته ومع مرور الايام وبعد ثلاثة اشهر وهم كل يوم يكلمون بعض وفي مره من المرات طلب صلاح من ايمان انه يشوفها

صلاح:ايمان,ابي اطلب منج طلب
ايمان:اوكي ,قول
صلاح:ابي اشوفج
ايمان:لالالالا
صلاح:ليش
ايمان:خايفة
صلاح:ليش تخافين ,آناما ما راح اسوي لج شي مجرد اني اشوفج وتشوفيني حتى اني ما راح اقرب يمج ولا اكلمج يعني من بعيد لبعيد
ايمان:لالالالا
صلاح:يلا عاد صدقيني ما راح يصير شي ,شنو يعني آنا راح آكلج
ايمان:ما تعودت اني اقابل شباب علشان جذي آنا خايفة
صلاح:اوكي فكري في الموضوع وردي لي خبر
ايمان:اوكي ,باي
صلاح:باي

(اوف شنو هل الورطة ما ادري الحين اقابله والا لا بس آنا ابي اشوفه لكن خايفة ومترددة........[/center]

هلاااااا والله الموضوع واااايد حلو بليز
كمليه

وااااااااااااااااايد
حلو قلبو
بليززززززز كملي القصه

يعطيج العاافيه يا الغاليه وياليت تكملين القصه ... مثل ماقالو خواتي ودمتي بخير وسلامه ..

[s ize=24][u]اي صج ليش ماتكملين القصه [/]u][/size

هلا
اخواني واخواتي يعني سوري اذا اتأخرت عليكم
لان هذه الايام عندي ضروف أوكي وأخوي فهد انت متأكد انك بتعطيني حلاوه
بشوف ننطضر الحلاوه وأذا ماعطيتنا برويك ههههههههههههههه

أوكي باي أشوفكم علي خير أنشاء الله