احلى ذكريات

موضوع: احلى ذكريات الثلاثاء مايو 06, 2008 7:33 pm

بسم الله الرحمن الرحيم

السلام عليكم ورحمة الله وبركاته

اخواني واخواتي القراء قررت ان اكتب لكم قصة وهي ممزوجه بين الخيال والواقع ,فأتمنى ان تنال اعجابكم واريد ان ارى آرائكم بكل صراحة .

بعد ما انهت فاطمة دراستها وحصلت على الشهادة الثانوية كانت متحيرة وين تقدم اوراقها وفي اي جامعة ,وفي مره من المرات كانت فاطمة تسولف مع عمتها وكانت عمتها تسألها .

العمة:فاطمة ,قدمتين اوراقج في اي جامعة ؟
فاطمة:للحين ما قدمت اوراقي
العمة:بس التسجيل ما بقى عليه شي يعني لازم تقرررين وين بتقدمين اوراقج
فاطمة:والله يا عمتي متحيرة وآنا جامعة البحرين ما افكر اني ادرس فيها
العمة:اي لا تدرسين فيها ,لانهم يحطون شروط تعجيزية للطلبة لين ما يرسبونهم وبعدين ما راح يعطونج التخصص الي انتي تبينه
فاطمة:ما ادري الحين شنو بسوي لان ما بقى شي على التسجيل وللحين ما قررت شي وآنا خايفة حدي
العمة:طيب ليش ما تفكرين انج تدرسين بره البحرين
فاطمة:ما ادري بس يمكن ابوي ما يرضى
العمة:انتي فكري اول عدل واتخذي قرارج وبعدين شاوري ابوج في الموضوع واذا تبيني اساعدج آنا ما عندي مانع
فاطمة:طيب مشكوره عمتي

وبعدين قعدت فاطمة تفكر في الموضوع مرة ومرتين وثلاث وعجبتها فكرة انها تدرس في الخارج وكانت تقول في بالها ان شاءالله ابوي يرضىوقررت قبل ما تشاور ابوها تشوف شنو راي امها مع اخوانها وفي يوم عرضت عليهم الموضوع وقالوا لها اخوانها هذا مستقبلج انتي يعني انتي لازم الي تتخذين القرار ,وقالت لها امها :يا بنتي اذا تحسين نفسج انج قادره على انج تكملين دراستج بره فآنا ما عندي مانع بس لكن قبل كل شي لازم تشوفين شنو راي ابوج .
فاطمة:ان شاءالله يمه ,اليوم اذا رد من الشغل بكلمه.
وبعد ما رجع ابو فاطمه من الشغل وتغذى وريح راحت له فاطمة وقالت له
فاطمة:يبه عندي موضوع ابي آخذ رايك فيه
الاب:قولي يبه اسمعج شنو عندج
فاطمة:التسجيل ما بقى شي عليه وآنا للحين ما قدمت اوراقي
الاب:طيب انتي يبه تبين تدرسين في اي جامعه
فاطمة:آنا ما افكر اني ادرس في جامعة من جامعات البحرين
الاب:يعني تبين تدرسين بره البحرين
فاطمة:اي يبه يعني اذا كنت انت موافق
الاب:يا بنتي اذا انتي تبين هذا الشي آنا ما عندي مانع لان هذا مستقبلج انتي وآنا ما ابي افرض راي عليج عشان لا تقولين بعدين ابوي كان حاجز امام دراستي يعني اذا هذا الشي يريحج وحاسه نفسج قادره عليه توكلي على الله
فاطمة:مشكور يبه مشكور يا احلى ابو في الدنيا كلها والله يخليك لنا ان شاءالله يا رب

وفاطمة كانت حاطه في بالها انها تدرس في الكويت وقالت الى ابوها انها بتقدم اوراقها في الكويت وفي هذي الفترة طلع قرار ان الكويت ما يقبلون اي طلاب الا لما تكون شهاداتهم عبارة عن بعثات وفاطمة ما كانت محصله على بعثة وضايقت وايد لما سمعت هذا الخبروفي هذي الفترة كانت صديقة فاطمة (طبعا صداقة بينهم ست سنوات)مقرره انها تدرس في الاردن وراحت فاطمة وقالت الى امها وقالت لها خلاص آنا بروح معاج ناقش معاهم الموضوع ولما وصلت فاطمة مع امها وعمتها الى بيت صديقتها وناقشوا الموضوع مع ام صديقتها وقالت لهم بالعكس يعني ليش نعارض هذا الشي هم صديقات مع بعض ويعرفون بعض يعني لو يصيرون مع بعض وايد احسن وكل وحده بدير بالها على الثانية ويشجعون بعض على الدراسة وفي هذي اللحظة فاطمة وصديقتها مريم طاروا من الفرحه وما كانو عارفين شنو يسون من زود فرحتهم لانهم ما راح يفترقون عن بعض وبيدرسون مع بعض وبعد ما استفسروا عن وقت التسجيل في الاردن جهزوا اغراضهم ورتبوا امورهم للسفر وجت الحظة الحازمة الا وهي ان فاطمة تودع اهلها وتودع البحرين ولما كانت تسلم على عماتها واخوانها كانت فاطمة ماسكة دمعتها بس لما راحت تسلم على امها وابوها ما قدرت تحبس دمعتها اكثر وقعدت تصيح وامها وابوها كانوا يصيحون معاها وكانت فاطمة مستغربة وايد لانها اول مره تشوف ابوها يصيح جدامها بس ما في مفر لان كل شي تحدد وكل شي ترتب وكانت امها توصيها انها ادير بالها على نفسها وعلى دراستها وفي البداية سافر معاهم ابو مريم عشان يسجلهم ويرتب امورهم ويضبط لهم كل شي .يعني كانوا حاسين بغربة بس لكن مو وايد لان هم صديقات من ايام الدراسة ومو بس صديقات كأنهم خوات وما يخبون شي عن بعض واي وحده يصير معاها شي تروح وتقول الى الثانيةومريم وفاطمه يدرسون نفس التخصص واثناء دراستهم في الاردن مريم ما كانت متوقعه نفسها انها راح تعيش قصة حب لانها كانت دايما تسخر من صديقاها لما يقولون لها انهم يحبون وتسويهم مسخره .

عاد شلون بدأت قصة مريم ؟

ترقبوا الجزء الثاني ..............................

اتمنى انها تنال لعجابكم وابي اشوف آرائكم عشان اتشجع واكتب الجزء الثاني .......

لو سمحتي ممكن اتكلمين القصه

موضوع: رد: احلى ذكريات السبت مايو 17, 2008 12:08 pm

تسلمين خيتوا احلام نتمني أن تكملين القصه بأسرع ممكن

وشكرا من اختج سندرالة البحرين

موضوع: رد: احلى ذكريات الإثنين مايو 26, 2008 9:50 am

واااااااااايد حلوة وكمليه