تكملت أجزاء القصه الحب الضائع وهو الجزء الثالث

الجزء الثالث.....................
ايمان كانت متردده وخايفه وايد لان اول مره شاب يقول لهاأبي أشوفج فما كانت عارفه شنو تسوي وصارت تفكر وايد في الموضوع وبعد يومين قررت انها تقول الي صديقتها(زينب), ولما راحت المدرسه راحت الي زينب وكلمتها في الموضوع.
ايمان : شخبار .
زينب : الحمد الله, وانتي.
ايمان:الحمد الله ,درستي الي الاختبار.
زينب:أي درست لايكون انتي مادرستي.
ايمان:بلا , درست بس يعني.
زينب:وليش مادرستي عدل.
ايمان:لا ولاشي بس ملل زينب.
زينب:شنو .
ايمان:أنا ,أنا.............
زينب:ايمان شنو فيج قولي , خير أنشاء الله.
ايمان :لا ولاشي عادي.
زينب:انتي فيج شي يلاعاد وقفتي قلبي , قولي الي صاير معاج شي موأنا صديقتج ومانخبي شي عن بعض.
ايمان:أوكي بقول , بس أول شي لاتزعلين مني.
زينب:أوكي حبيبتي ماراح أزعل منج ومستحيل أزعل منج.
( وايمان قالت الي زينب الموضوع يعني شلون عرفت صلاح وكلمته لان زينب ماكانت تدري عن أي شي).
زينب : يعني تكلمينه من ثلاثة اشهر وانا ماادري عن الموضوع شي وأنا الي كنت احسبج ماتخبين عني شي وأنج تحسبيني مثل أختج.
ايمان : والله السالفه مو جذي , بس ماكنت عارفه شلون أتكلم معاج بالموضوع وانتي قلتي ماراح تزعلين مني , وألحين قولي ألي شنو أسوي.
زينب : أنا مو زعلانه وقلت اليج مستحيل أزعل منجل لأنج مثل أختي, طيب أنتي تبين تشوفينه.
ايمان:..........
زينب : أوه واو صرنا نستحي بعد.
ايمان : زينب خلاص عاد.
زينب : ليش ويهج قلب أحمر أعترفي,وأنتي تبين تشوفينه صح.
ايمان : بصراحه اي.
زينب:والله ماادري شنو أقول اليج أنت ألي لازم تتخذين أي قراروأنا أقول البنت شنو فيها كل ماأسألها تقول الي ولاشي بس أنا هذه الايام مزاجي متعكر وملل والاهي مشغوله في شي ثاني.
ايمان: ههههه بايخه.
زينب: طيب شنو نوع العلاقة الي بينكم.
ايمان:في ذمتج, يعني شنو صداقه.
زينب:صداقه ,غريبه.
ايمان: ليش يعني غريبه.
زينب:حبيبتي ايمان ماكوا شي أسمه صداقه بين البنت والولد ايمان: زينب قومي نيلس مع البنات أحسن.(وزينب:هههههههه أوكي ايمان تبين تتهربين.
(وبعد ماردت ايمان من المدرسه وهي يالسه مع أهلها يتغذون في هذه اللحظه رن التلفون أول مره ورد علي التلفون محمود,ومره ثانيه لم رن رد عليه أخوها أحمدعلي التلفون وألي كان متصل هو صلاح وقال أنه غلطان وسكر الخط وطبعا ايمان كانت متأكده أنه صلاح هو ألي كان متصل حتي أنها ماكملت أكلها ).
وسألها ابوها :يبه وين ماكملتي غذاج.
ايمان:الحمدالله شبعت (وكان مبين علي ويها انها مضايقه),وسألتها أمها :ايمان حبيبتي فيج شي شكلج تعبانه.
ايمان:لايمه ولاشي لاتتخافين علي عادي بس حاسه بوجع في راسي ألحين أخذ بندول وبروح الالم.
الام: سلامتج يامه يا الله روحي نامي وأرتاحي.
ايمان: الله يسلمج الي يا أحلي أم في الدنيا.
(ويلست ايمان في غرفتهاتفكر في الموضوع وكان كل ماتبي تدرس تيلس تفكر في الموضوع ولما صارت اربع ونصف وقال أكيد ألحين صلاح بيتصل وفعلا بعد شوي التلفون رن وردت ايمان علي التلفون)
ايمان:ألو.
صلاح:هلا ,ايمان شخبارج, وينج مختفيه.
ايمان: الحمد الله بس انا هذه الايام قاعده أحضر للأمتحانات النهائيه.
صلاح : الله يوفقج يارب.
ايمان: انشاء الله.
صلاح:طيب,فكرتي في الموضوع.
ايمان:أي بس..........
صلاح: بس شنو لاتقولين خايفة ومتردده.
ايمان:بصراحه أي.
صلاح:ياايمان ماراح يصير شي.
ايمان: خلاص أنا ألحين مااقدر أتخذ أي قرار أبي أركز في الامتحاناتي.
صلاح: أوكي وأسف أذا أزعجتج وذااكري زين حق الامتحانات وباي.
(ايمان حست أن صلاح أضايق من طريقة كلامها معاه لان كان هي معصبه وهي تكلمه).
ايمان: صلاح ماكان قصدي .
صلاح:أوكي ماصار شي وأنا ألي أسف اذا ثقلت عليج ,وباي.
ايمان: اوكي باي
(ايمان تقول في نفسها شنو انا سويت ان شكله زعل وضايق مني وايد لان اول مره يكلمني جذي بس انا ماادري ليش انا كلمته بهذه الطريقةومع مرور الايام تقربت أمتحانات ايمان وايمان كان فكرها مشغول في الامتحانات وفي صلاح وصارت ماتيلس مع اهلها وايد نفس قبل ودايما تيلس بروحها بس احمد ومحمود حسوا ان ايمان مو طبيعيه وأن فيها شي خصوصا في هذه الفتره وصار حوار بين محمود وأحمد),محمود: أنت ماتحس أن ايمان في هذه الايام تصرفاتها غير .
أحمد: هي فيها شي بس ماادري ليش ماتبي تقول لنا وهي مو من عوايدها انها تخبي علينا أي شي.
محمود: أقول نروح ونكلمها وندردش معها أشوي يمكن تقول لنا شي .
أحمد: أوكي.
(وراحوا اليها وستأذنوا منها ودخلوا).
محمود: شلونج مع الامتحانات.
ايمان: الحمد الله بس شوي متوتره.
أحمد: شي طبيعي الواحد يتوتر في فترة الامتحانات أي بس انتي ركزي وأنشاء الله كل شي تمام.
ايمان: أكيد, وأنتوا شمسوين وانتوا شنو أخر أخباركم .
أحمد: والله زين بعد أنج تسألين عنا.
ايمان : أنا أعرف أن أنا ألحين مأليس معاكم مثل قبل,تدرون أيام الامتحانات يعني الواحد مايكون اليه مزاج.
محمود: أوكي بس أنتي مو أول مره تصير عندج أمتحان عشان ماتتكلمين مع أحد.
أحمد: شكلج مليتين منا.
ايمان: شنو فيكم ,صدقوني الوضع عادي بس أنا أخلص أمتحاناتي عشان أرد أيلس معاكم.
محمود: أكيد,ولابس مجرد كلام,
أيمان: لاأكيد.
أحمد: أوكي بنشوف.
محمود: زين مانبي أنعطلج عن دراستج ودرسي عدل أوكي ولاتسهرين ماراح تركزين.
ايمان: انشاء الله.
(الحمد الله ان انا قدرت أقنعهم ولاجان الله يستر ماادري شنو راح يصير ,وبعد ماخلصت ايمان امتحاناتها صار همها الوحيد أنها تفكر في صلاح بس هذا غير أنها تسرح وايد وتفهي وبعد كم يوم أتصل صلاح في ايمان)
صلاح: سلام.
ايمان: عليكم السلام,شلونك.
صلاح : الحمد الله ,نسأل عنج.
ايمان: أنا بخير .
صلاح: شلون كانت الامتحانات معاج.
ايمان: تمام , أنتضر النتيجه.
صلاح:أنا متأكد أنج ناجحه.
ايمان:انشاء الله.
صلاح:طيب فكرتي في الموضوع, ولا ألحين.
ايمان: أي فكرت , بس ماادري شنو أقول اليك.
صلاح:شنو للحين خايفة.
ايمان: أي أخاف أحد يشوفني ويقول الي ابوي أو الي واحد من أخواني .
صلاح : كلها خمس دقايق.
ايمان: ..............
صلاح: ايمان لاتقهريني وتسكتين ردي علي أنا أكلمج أبي أسمع منش الي شنو وصلتي.
ايمان:أوكي موافقه.
صلاح: أي خلج جذي والله نشفتي ريجي.
ايمان: ههههههههه.
صلاح:هاهاها دمج خفيف ,طيب متي نشوف بعض.
ايمان: ماأدري كيفك.
صلاح: أوكي نخليها بكره.
ايمان: أوكي.
( ايمان كانت تفكر شلون أنا قلت اليه أوكي وماسألت حتي اذا بتوافق والا لا وقررت انها تروح تخبر أمها .
ايمان: يمه.
الام: هلا يمه.
ايمان: الله يخليج الي ياأعز وأغلي أم بالدنيا كلها والله لايحرمني منج .
الام: أه منج يا العياره خلصي تراني أعرفج لما تبين تسمعيني هذا الكلام الحلو يعني تبين شي .
ايمان: أفا أحين أنا بنظرج جذي خلاص أنا زعلت .
الام: يمه ايمان شنو فيج كنت بس أمزح معاج وأنشاء الله ياربي يخليج لي أنتي واخوانج وخواتج.
ايمان: أي ألحين أنتي تعجبيني.
الام: بس أنا مااعتقد أن هذا الكلام بس جذي صح.
ايمان: ههههه ماقلت اليج تعجبيني الله عليج تفهميني بسرعه.
الام: ههههه ياالله قولي شنو تبين.
ايمان: أبي أعزم صديقتي زينب عندنا .
الام: جذي يمه حياها الله في أي وقت تبي.
ايمان: تسلمين الي يمه ( ويلست تشوف مع أمها شنو تسوي وبعدين راحت وتصلت حق زينب .)
ايمان: سلام.
أم زينب : وعليكم السلام.
ايمان: زينب موجوده.
ام زينب : لحظه بناديها.
زينب : هلا .
ايمان: زينب أسمعي أنتي بعد باجر معزومه عندي في البيت أوكي أنا قلت الي أمي جذي لانني قررت أني أشوف صلاح.
زينب : طيب وأما شكوا في الموضوع.
ايمان: لأنج بتين معاي أنا بروحي ماعرف.
زينب: والله بلوه صج فاضيه ولا لا تقررو ترسم خطط علي وتتكلم بلساني وأنا ياغافلين ليكم الله.
ايمان: هههه , مويقولون الصديق في وقت الضيق يعني لازم تين معاي لوكنت بروح للموت.
زينب : لا والله من قال اليج انا مستغنيه عن حياتي علشانج,ههههههه.
ايمان: هييييييي أوكي أتفقنا نلتقي بعد بكره.
زينب : أوكي باي.
ايمان: باي.هي تغمز لها).

(وفي يوم الثاني ايمان كانت أجهز نفسها عشان تستقبل صديقتها زينب , وأثناء ماايمان تجهز نفسها وصلت زينب بيت ايمان وأستقبلتها أم ايمان : هلا زينب شخبارج.
زينب: الحمد الله بخير وأنتي شخبارج.
أم ايمان:بخير شخبار الوالده مع أخواتج.
زينب: زينين تسلم عليج الوالدة وايد .
أم ايمان: الله يسلمها أتفضلي قعدي ليش واقفة؟
زينب: ان شاءالله عيل وين ايمان.
أم ايمان: قاعدة تجهز نفسها.
(وقعدت زينب تنطر ايمان لين ماتجي وهي تقول في بالها حشي شنو تسوي هذي كل هذا قاعده تتعدل علشانه ,وبعد شوي وصلت ايمان )
ايمان: هلا زنوبه.
زينب: هلا شان ماجيتين منقعتني سنه.
ايمان: هههههههه بعد شنو أسوي من علي ماأجهز ت.
زينب: كل علي شانه مانقدر علي الحب بعد.
ايمان: ...........
زينب: خلاص سكت أستحت البنت .
(وقعدوا يسولفون مع بعض واتصل صلاح بعدين في ايمان)
صلاح : هلا ايمان.
ايمان: هلا.
صلاح: ياالله من متي وانا واقف متي بجين ماصارت.
ايمان: وأنا شدراني انك وصلت ,يالله ألحين أنا بجي .
صلاح: أوكي يالله بسرعه.
ايمان: زين باي.
ايمان: يا الله ياالله ,قومي .
زينب: شنو فيج ,شوي شوي.
ايمان: يالله تره هو قاعد ينطرني ألحين.
زينب: زين عاد ربشتيني.
وكانت ايمان بتقابله في البراده الي قريبه من بيتهم وطلعوا زينب وايمان ولما وصلوا جنب البراده كان في عماره جنبها دخلوا لان ايمان كانت مرتبكه ومستحيه موعارفه شنو تسوي وبعدين قررور انهم يطلعون من العماره ولما طلعوا شافوا واحد واقف وايمان كانت متأكده انه صلاح ,وصلاح كان ماخذ راحته وهو يطالع في ايمان لكن ايمان ماشافته عدل لانها كانت مستحيه شلون أطالع فيه هي أول مره تشوفه وبعدين قرروا انهم يرجعون البيت ولما جائوا يتمشون ايمان أتعرقلت زين أنها ماطاحت شان عن جد فشله وموقف محرج ,اما زينب طول الطريق ولين ماوصلوا الي بيت ايمان وهي تضحك عليها ,وتقول زينب : ياعيني كل هذا عشان شفتيه ماعرفتي تمشي ههههههههه.
ايمان: شنو فيج أنتي .
زينب: أنا ولا أنتي من شفتيه وأنتي منتي علي بعضج.
ايمان: لامافيني شي .
زينب: طيب شنو رأيج فيه يعني في شكله .
ايمان: هو شكله زين يعني لابأس ولو أني ماشفته عدل .
(وبعد دقايق أتصل صلاح الي ايمان)
صلاح: هلا والله .
ايمان: هلا .
صلاح: ليش تقولين الي أنج مو حلوه.
ايمان: ..........(منحرجه منه وماكانت تعرف شنو بتقول اليه)
صلاح:ايمان لاتسكتين ردي علي .
ايمان: أي أنا مو حلوه.
صلاح: بس لكن أنا شفتج غير وبعدين الشكل مو مهم الجمال جمال الروح.
ايمان: ...........
صلاح: طيب أنتي شنو رأيج فيني؟
ايمان: زين يعني شكلك مقبول.
صلاح: أوكي أخليج ألحين أتكلمين صديقتج وتستانسين معاها.
ايمان: طيب.
(وقعدت ايمان تسولف مع زينب وستانست معاها وايد وبعدين زينب رجعت بيتهم .)

وبعد مرور ثلاثة اسابيع من بعد ماشاف صلاح ايمان وفي مره من المرات كان صلاح يكلم ايمان .
ايمان: ألووووو.
صلاح: لو سمحتي معرض السلام.
ايمان: ههههأي معرض السلام.
صلاح: شخبارج.
ايمان: الحمد الله بخير .
صلاح: أبي أقول أليج شي .
ايمان: طيب قول .
صلاح: ايمان أنا بصراحه أرتحت أليج وايد وأنا أحبج وماأقدر أستغني عنج.
ايمان: ..............
(ايمان أنصدمت لم قال اليها صلاح انه يحبها وضلت فتره ساكته وماقالت اليه شي )
صلاح: ايمان وين رحتي شنو أمشي ماأحب أكلم أحد ويطنشني.
ايمان: صلاح أوكي أنا ألحين بسكر .
صلاح: ليش أنتي ماردتين علي .
ايمان: بروح أمي تناديني .

...........[/SIZE][/CENTER][/COLOR[/b]]

يالله صج تعبتينا انتي هههههههههههههه كملي القصة كلها ولا بكملها انا هههههههههههههههههه \

يعطيج العافيه والله يعين ايمان وصلاح

يسلمو خيتو ومشكورة afro

تسلمون بس والله ضروفي ماتسمح الي اني اكمل القصه من بدري

لان انا عندي وقت امتحانات النهائيه وانشاء الله مابتأخر عليكم في التكمله

بس أنتوا اصبروا أشوي
وشكرا من أختكم سندرالة البحرين

لا عادي اي وقت انتي فاضيه فيه كملي القصه afro