في يوم كانت مريم قاعده داخل قاعة المحاضرة تنطر لما يجي الدكتور وكان مع مريم في المحاضرة طالب بحريني لكن ما كانت تدري عنه وكان يطالع فيها وايد بس هي كانت طنش وتسوي نفسها ولا كأنها تشوفه ولما رجعت من الجامعة قالت الى فاطمة . مريم:خلاص بموت منه الغبي كل يقعد يطالع فيني فاطمةتمزح معاها)زين وانتي شنو عليج منه خليه ياخذ راحته حرام عليج لازم تقدرين مشاعره مريم:خخخخخخخخ بايخة شنو بعد اقدر مشاعره يلا يلا بلى مشاعر بلى بطيخ فاطمة:هههههههه حرام عليج عاد هو شكله يحبج ويموت فيج بعد يعني لازم تعطينه فيس شوي مريم:الحين اذا ما تسكتين بقوم اطلع حرته فيج انتي فاطمة:يويويويويوييوو الحين انتي ليش معصبة حقريه ولا كأنج تشوفينه مريم:اكيد احقره واسوي نفسي ما ادري عنه
وفي يوم كان عند مريم امتحان حاسوب ولما كانت تقدم الامتحان كانت تحل الاسئلة من غير ما تسيفهم لانها ما كانت تدري وهي متوترة وايد في الامتحان وكان البحريني قاعد جنبها وبقول لها اذا تبين مساعدة او في سؤال ما تعرفين تحلينه بساعدج لكن مريم كانت تحقره وطنشه المسكين ههههههههه ولما خلص وقت الامتحان مريم ما سيفت الا بس جم من سؤال وهي قالت للدكتور لكن الدكتور ما رد عليها وطلعت من القاعة وهي مضايقة وايد وجافها البحريني (اسمه محمد) محمد:انتي يعني ما سويتي زين مريم.......... ما كانت عارفة شنو تقول له لانها مستحية منه وبعد هي مضايقة عشان الامتحان ورجع محمد سألها مره ثانية مريم بلى آنا حليت الاسئلة بس يمكن من 28 سؤال ما سيفت الا بس 12 محمد:طيب تبيني اساعدج مريم:شلون آنا قلت للدكتور بس هو ما رد علي محمد:آنا علاقتي مع الدكتور وايد تمام يعني ان شاءالله يساعدج مريم:طيب مشكور ورجعت مريم الى السكن وهي مضايقة وايد عشان الامتحان وقالت لفاطمة عن الي صار معاها فقعدت فاطمة تهون عليها وتواسيهاوتبيها تضحك فقعدت تمازحها وتقول لها :والله حرام عليج المكسن يتعذب في حبج وانتي ما تعطينه وجه بالمره مريم:قصدج من فاطمة:انتي تدرين آنا اقصد من محمد فيه غيره الي ما خذ عقلج وقلبج هههههههههه مريم:حلفي قولي والله ما ضحكين هيهيهييهيهيهي فاطمة :اي ضحكي الحين احلى مو من شوي كأن احد بكسنج هههههههههه مريم:هههههههههه ولما راحت يوم ثاني الى الجامعة وصار وقت محاضرتها في الحاسوب رجع مره ثانية كلمها محمد:سلام مريم:عليكم السلام محمد:خلاص لا تخافين آنا كلمت الدكتور مريم:شنو قال؟ محمد:يقول لج الامتحان يعيده لج والا هو يحط لج علامة من عنده مريم:ما ادري ,خلاص قول له هو يحط لي العلامة محمد:اوكي واذا تبين اي شي لا تستحين قولي مريم:مشكور وما تقصر
وفي مره من المرات قررت فاطمة انها تحضر محاضرة الحاسوب مع مريم لان صار عندها فضول تشوف الي اسمه محمد من كثر ما مريم تتكلم عنه ولما وصلوا الى قاعة المحاضرة ووصل الدكتور واثناء ما الدكتور يشرح صار موقف ما كانوا متوقعين انه يصير فجأة ما شافوا محمد الا طايح من على الكرسي الي قاعد عليه وفاطمة ومريم ما قصروا في الضحك وخصوصا فاطمة يعني كانت مستغربة وتبي تعرف شلون طاح من الكرسي هههههههههههههههه
ولما خلصت المحاضرة ورجعوا مريم وفاطمة الى السكن فاطمة كانت تتذكر الموقف الي صار وقعدت تضحك ضحك عليه اما مريم كانت تقول لها مريم:حرام عليج مو زين خلاص عاد فاطمةتسخر) يا عيني ما نقدر على الحب بعد مريم:اي حب ؟ فاطمة:ما ادري بعد منتي راضية عليه يعني شنو تسمينه هذا خخخخخخخخخخخخخ مريم:ها ها ها ها ها بايخة آنا ما احبه لكن انتي مو مقصرة فيه ومسوتنه مسخره يعني هو لا اول واحد ولاهو آخر واحد يطيح فاطمة:بل آنا اسكت احسن لي لا الحين احصل لي جم من كف كله عشان خاطر بعض من الناس مريم:ههههههههههه يا ربي عليج تجيها حومه اذا ما تتمسخر على احد فاطمة:اي وانتي الصادقة طالعة على صديقتي بعد شنو اسوي هههههه مريم:ههههههههههه اقول قومي بس سوي لنا شي ناكله
ومرت الايام وفاطمة ومريم في الاردن طبعا تمر عليهم لحظات يحزنون فيها واولها لما كان شهر رمضان على الابواب وهم ما كانوا في البحرين وبعد انه مر عليهم عيد الفطر والاضحى وبعد ما قدروا ينزلون فكانوا شوي مضايقين والي زاد الطينة بله انه لما جاء محرم وصفر كانوا متعودين كل سنة يكونون في البحرين وسط اهاليهم وما يظل ما تم ولا عزاء الا ما يروحونه لكن شنو يسون لازم يصبرون ويتحملون عشان ينالون الي يبونه وكانت كل وحده تهون على الثانية ويواسون بعض ,ومع مرور الايام قرروا في يوم انهم ينزلون عمان ويغيرون جو شوي واثناء ما هم كانوا في مكة مول كانوا قاعدين يتغذون وجافوا محمد هناك وهو جاء وقعد مباشرة قبال مريم وهي كانت مضايقة شوي وتقول الى فاطمة مريم:يا ربي آنا ما اخلص منه يعني وين ما اروح وراي وراي فاطمة:من بعد هذا ؟ مريم:في غيره محمد فاطمة:اها ,المسكين بعد ما يقدر على بعدج يا حبيبتي مريم:اوهوووووووووه فطوم عن المصاخه ترى مو وقتج فاطمة:زين خلاص سكتنا مريم:اقول اكلي بسرعة عشان نقوم
ولما خلصوا الغذى وقاموا يتمشون شوي في المول ما شافوا الا محمد يلاحقهم وين ما يروحون هو وراهم ولما كانوا يتمشون في المول في مجموعة من الشباب يتحرشون بفاطمة ومريم لكن هم كانوا يطنشون ولا كأنهم يشوفون شي والي صار ان محمد تدخل في الموضوع وراح يبي يتفاهم مع الشباب الي يتحرشون فيهم لكن التفاهم تحول الى هواش وتهاوش معاهم ونطق طق المسكين ونشدخ شداخ كل عشان خاطر مريم في هذي اللحظة كانت مريم تفكر في الي صار وتقول في بالها ليش هو سوه جذي معقوله يعني يكون معجب فيني فسألت فاطمة؟ مريم:فاطمة محمد ليش سوه جذي فاطمة:والله ما ادري انتي شنو رايج مريم:آنا بعد ما ادري فاطمة:يمكن يكون من دافع الشهامة والرجولة ويمكن يكون عشانج انتي مريم:........... فاطمة:انتي يعني الحين قاعدة تفكرين فيه مريم:لا مو جذي .......... فاطمة:عيل شنو مريم:ها ولا شي
ولما رجعوا السكن قعدت مريم طول اليوم تفكر في الي صار معاها وقررت انها لما تشوفه تشكره على الي سواه وفي اليوم الثاني بعد ما خلصت المحاضرة مريم كانت مترددة ومستحية شلون تشكره وما كانت عارفة شلون تروح وتقول له لكن محمد راح وكلم مريم محمد:شخبارج مريم(مستحية) الحمدالله بخير محمد:ما تبين شي او محتاجة شي مريم:لا مشكور,ومشكور على الي سويته امس محمدكان فرحان وايد) لاوالله ما سويت الا الواجب وآنا حاضر في اي وقت اذا تحتاجين الى شي مريم:طيب مشكور وما تقصر
طبعا مريم وفاطمة ما يخبون شي على بعض وكالعادة مريم راحت وقالت الى فاطمة عن الي صار معاها وبعد مرور اربعة اشهر من الدراسة صار الحين وقت تقديم الامتحانات وبعد ما قدموا الامتحانات نزلوا البحرين وكانوا فرحانين وايد لانهم اخيرا التقوا مع اهلهم وصديقاتهم بعد هذي الفترة وكانت الدنيا مو شايلتهم من الوناسة والفرحة وكانوا كل يوم يكلمون بعض ويرسلون الى بعض مسجات لانهم عاشروا بعض وفجأة يفترقون وفي الفترة الي قعدوا فيها في البحرين كانت كل وحده فيهم تقول الى اهلها عن المواقف الي صارت معاهم وشلون كانت حياتهم في الاردن .
وفي يوم راح اخو مريم الى اخته(اسمه علي) علي:مريوم قومي خلينا نطلع نغير جو شوي مريم:طيب وين بروح علي:انتي وين تبين تروحين مريم:ابي اروح نادي البحري علي:طيب بروح مريم:متى علي:تقريبا الساعة 5 العصر بس انتي جهزي نفسج قبل بثلاث ساعات لانج وياالله تجهزين بعدههههههههههه مريم:هيهيهيهيهيهي:لاوالله عيل خلك انت علي:آنا في نص ساعة وآنا مخلص لكن انتوا تحوسون من فبل فبلين ويالله بعدين تجهزون بعد ههههههههههه مريم:خخخخخخخخخخخ بايخ زين بقول الى زهره (اختها) تجي معانا علي:اوكي لكن اجي وانتوا جاهزين مو تقعدون سنة من على ما تطلعون مريم:زين عاد ما يسوى علينا انك بطلعنا علي:هههههههههه
ولما صارت الساعة 5 طلعوا وراحوا نادي البحري واثناء ما هم يتمشون مريم كأنها لمحة محمد ورجعت طالعت مره ثانية وفعلا كان نفسه هو محمد ما غيره,اول شي مريم انصدمت وما كانت مصدقة انها شافته ومن شافته حست بتوتر وصار قلبها يدق بسرعة حتى اختها لاحظت عليها هذا الشي زهره:مريم شنو فيج مريم:ها زهره:اقول لج شنو فيج مو على بعضج مريم:ولا شي ما فيني شي زهره:انتي متأكده مريم:اي ما فيني شي اما محمد ما شال عينه من مريم وكان يقول في باله واخيرا ما بغيت اشوفها وكان فرحان وايد لانه تقريبا شافه بعد سبوعين وهو كان متعود يشوفها كل يوم وظل يطالع فيها لكن مريم كانت مستحية طالع فيه وكانت سرحانه طول الوقت وبعد ما رجعوا البيت مباشرة مريم اتصلت في فاطمة مريم:هلا فطوم شخبارج فاطمة:هلا بيج انتي شخبارج مريم:شنو رايج باجر تجين تتغذين عندي فاطمة:ما ادري اول بسأل امي وبعدين ارد لج خبر مريم:اوكي ردي علي بسرعة فاطمة:طيب الحين اسألها باي مريم:باي
فاطمة راحت الى امها وسألتها فاطمة:يمه مريوم وحشتني وايد وخاطري فيها ام فاطمة:فطوم قولي من الآخر ومن غير مقدمات فاطمة:تعجبيني يمه على طول تعجبيني ام فاطمة:اعرفج آنا انتي خبز يدي يعني تبين تروحين لها فاطمة:اذا ما عندج مانع ام فاطمة:زين روحي لكن لا تتاخرين فاطمة:ان شاءالله يمه ما راح اتأخر وتسلمين لي يا اغى ام في الدنيا والله يخليج لي
ام فاطمة:ويخليكم لي ان شاءالله
وبعدين فاطمة راحت خبرت مريم انها باجر بتكون عندها ومريم فرحت وايد لان في عندها كلام في قلبها وتبي اطلع الي في قلبها وهي ما تقدر تتكلم بصراحة الا مع فاطمة وفي اليوم الثاني وصلت فاطمة بيت مريم ولما شافوا بعض طاروا من الفرحة والسادة لان صار لهم تقريبا سبوعين ما شافوا بعض وحضنوا بعض وكل وحده تقول الى الثانية وحشتيني وايد فاطمة:قولي لي انتي شخبارج مريوم مريم:والله الحمدالله الحين احسن من قبل لاني شفتج فاطمة:والله العظيم لج وحشة وشتقت لج وايد مريم:آنا اكثر حبيبتي فاطمة:قولي لي شكو ماكو مريم:............. فاطمة:شنو ليش ساكته مريم:ها ولا شي فاطمة:دام انج قلتي ها يعني في شي صاير معاج مريم:ما ادري شنو اقول فاطمة:قولي شنو فيج ,يعني الحين بنقعد نخبي على بعض مريم:لا مو جذي قصدي بس مو عارفة من ابدا في الكلام فاطمة:من وين ما تبين لكن اهم شي تتكلمين مريم:امس كنت في نادي البحري وشفت هناك....... فاطمة:شفتي من يالله عاد قولي مريم:شفت محمد فاطمة:محمد اي محمد مريم:شنو فيج نسيتي فاطمة:اي الي معاج في محاضرة الحاسوب مريم:اي وصلت المعلومة فاطمة:ههههههههههه يعني انتي الحين مستانسة انج شفتيه مريم:......... فاطمة:ما نقدر على الخجل مريم:اوهووه آنا ليش قلت لج لو ساكتة احسن لي فاطمة:مريم عن السخافة عاد امزح معاج يعني ما تعرفين اني احب امازحج مريم:.......... فاطمة:يعني الى متى بتسكتين قولي الي عندج مريم:ما ادري لكن لما شفته قلبي صار يدق بسرعة وهو كان يطالع فيني بعد ولما رجعت البيت ما راح عن بالي فاطمة:لايكون تحبينه مريم:شنو احبه بعد فاطمة:اي يا حبيبتي لان الكلام الي تقولينه هذا معناه وما له معنى ثاني مريم:زين خلاص نغير الموضوع فاطمة:اول مره اشوفج جذي متوتره ومنتي عارفة تتكلمين لها الدرجة يعني هو شاغلنج مريم:خلاص عاد فطوم فاطمة:شوفوا شلون ويها صار احمر يا عيني مريم:.......... وبعدين ظلوا يسولفون ويذكرون ذكرياتهم في ايام المدرسة وفي الاردن والمواقف الي تعرضوا ليها وبعدين طبعا رجعت فاطمة بيتهم .
اما مريم كانت تفكر وايد في محمد وتسأل نفسها ليش هي من شافته مو قادره توقف التفكير فيه وحاولت انها تنام لكن ما قدرت لان محمد كان شاغل بالها
واما محمد فهو بعد نفس الشي ويمكن اعظم و من شاف مريم وهو في عالم ثاني وكان يسرح ويفكر وايد في مريم ومستغرب ليش هو لما شافها استانس وحس ان الدنيا مو شايلتنه من زود فرحته وصار يتمنى في باله ان وين ما يروح يلقاها جدامه .
الثلاثاء مايو 27, 2008 6:55 pm
تمزح معاها)زين وانتي شنو عليج منه خليه ياخذ راحته حرام عليج لازم تقدرين مشاعره 
سندرالة البحرين 
